Fótbolti

AC Milan staðfestir kaupin á Guðný - Lánuð til Napoli

Arnar Geir Halldórsson skrifar
Guðný Árnadóttir hefur yfirgefið Val.
Guðný Árnadóttir hefur yfirgefið Val. vísir/hulda margrét

Íslenska landsliðskonan Guðný Árnadóttir hefur yfirgefið Val og samið við ítalska stórveldið AC Milan.

Ítalska félagið staðfestir þetta á Twitter reikningi sínum í dag.

Guðný, sem er tvítug, verður lánuð til Napoli til loka yfirstandandi leiktíðar en Napoli leikur  í ítölsku úrvalsdeildinni, líkt og AC Milan. AC Milan er að berjast við Juventus um toppsætið en Napoli er í botnbaráttunni.

Guðný lék 16 leiki með Val í Pepsi Max deildinni síðasta sumar en hún lék áður með FH. Hún á átta landsleiki að baki fyrir A-landslið Íslands.

Ítalski boltinn Pepsi Max-deild kvenna Valur

Mest lesið


Fleiri fréttir

Sjá meira


×

Mest lesið