Innlent

Katrín ávarpar leiðtogafund Sameinuðu þjóðanna í dag

Elín Margrét Böðvarsdóttir skrifar
Katrín Jakobsdóttir forsætisráðherra.
Katrín Jakobsdóttir forsætisráðherra. Vísir/vilhelm

Katrín Jakobsdóttir forsætisráðherra mun á eftir ávarpa sérstakan leiðtogafund Sameinuðu þjóðanna þar sem hún mun kynna ný markmið Íslands í loftslagsmálum. Fundurinn hófst klukkan tvö og fer fram rafrænt.

Hægt er að fylgjast með fundinum í beinu streymi hér.

Líkt og greint var frá á fimmtudag hafa Íslensk stjórnvöld ákveðið að stefna að 55% samdrætti í losun gróðurhúsalofttegunda fyrir árið 2030 í samfloti við Noreg og Evrópusambandið. Þá stendur til að efla aðgerðir til kolefnisbindingar og landnotkunar til að ná markmiði um kolefnishlutlaust Ísland árið 2040 að því er fram kemur í tilkynningu frá stjórnarráðinu.

Fjöldi annarra þjóðarleiðtoga, fulltrúar alþjóðastofnanna og fulltrúar hinna ýmsu samtaka og úr viðskiptalífinu munu einnig ávarpa fundinn.

Utanríkismál Loftslagsmál Umhverfismál Ríkisstjórn Katrínar Jakobsdóttur Sameinuðu þjóðirnar

Mest lesið


Fleiri fréttir

Sjá meira


×

Mest lesið