Klettaskóla lokað vegna kórónuveirusmits hjá starfsmanni

Skólahald í Klettaskóla mun falla niður um óákveðinn tíma vegna kórónuveirusmits sem kom upp hjá starfsmanni. 

Fram kemur í pósti sem sendur var á foreldra allra nemenda við skólann að foreldrar og starfsmenn þess bekkjar sem starfsmaðurinn starfaði í verði látnir vitu um þær ráðstafanir sem þarf að gera.Klettaskóli er sérskóli á grunnskólastigi og þjónar hann nemendum af öllu landinu.

Á morgun verður farið yfir stöðuna í skólanum með fulltrúum sóttvarnalæknis vegna framhaldsins. Tveimur skólum hefur þegar verið lokað vegna þess að starfsfólk hefur smitast af kórónuveirunni.

Þrír starfsmenn Háteigsskóla hafa greinst með kórónuveiruna og var skólanum lokað í dag og næstu tvær vikurnar. Þá var grunnskólanum í Hveragerði lokað fyrir helgi og verður hann lokaður til 23. mars vegna sömu ástæðna.