Þrjú í öndunarvél vegna veirunnar

Þrír eru nú í öndunarvél á gjörgæsludeild Landspítals vegna vegna Covid-19 sjúkdómsins sem kórónuveiran veldur. 

Þetta staðfestir Már Kristjánsson, yfirlæknir smitsjúkdóma á Landspítalanum. Fimmtán eru á sjúkrahúsi.

Samkvæmt heimildum fréttastofu er um að ræða tvo karlmenn og eina konu. Öll á sjötugsaldri.

Á upplýsingafundi almannavarna í gær kom fram að tveir væru á gjörgæslu vegna sjúkdómsins og einn í öndunarvél.

737 hér á landi voru smitaðir af kórónuveirunni samkvæmt tölulegum upplýsingum á Covid.is í gær. Von er á uppfærðum tölum um eitt leytið í dag.