Jóhann Gunnar kjörinn varaformaður BHM

Lögfræðingurinn Jóhann Gunnar Þórarinsson hefur verið kjörinn nýr varaformaður Bandalags Háskólamanna (BHM). Jóhann bar sigurorð af Guðfinni Þór Newman í rafrænni kosningu á aðalfundi félagsins.

93,75% aðalfundafulltrúa á kjörskrá greiddu atkvæði eða 165. Jóhann hlaut 91 atkvæði sem jafngildir 55,83% greiddra atkvæða. Guðfinnur hlaut 72 atkvæði en 2 voru auð.

Réttkjörinn varaformaður BHM er því Jóhann Gunnar Þórarinsson. Jóhann er með B.A. og Mag. Jur. Gráður frá HÍ og M.A. í evrópskri viðskiptalögfræði frá Háskólanum í Lundi.

Jóhann Gunnar er varaformaður stéttarfélags lögfræðinga, situr í stjórn LÍN og hefur gegnt formennsku í Sambandi íslenskra námsmanna erlendis og setið í framkvæmdastjórn Landssamtaka íslenskra stúdenta.

„Ég er þakklátur fyrir traustið sem mér hefur verið sýnt og hlakka til að geta beitt mér enn frekar fyrir réttindum og kjörum félagsmanna aðildarfélaga BHM,” sagði Jóhann Gunnar Þórarinsson, nýkjörinn varaformaður Bandalags háskólamanna.