Tómas Ingi aðstoðar Atla og Ólaf

Ólafur Ingi Skúlason var ráðinn þjálfari U19 ára landsliðs karla og U15 ára landsliðs kvenna en hann hafði verið aðstoðarþjálfari Fylkis síðustu ár sem og að spila með félaginu.

Nú hefur Tómas Ingi verið ráðinn í hans starf en ásamt því að aðstoða aðalþjálfarana Atla Svein Þórarinsson og Ólaf Inga Stígsson mun Tómas Ingi vera yfir afreksþjálfun hjá félaginu.

Tómas Ingi hefur víða komið við en í sumar var hann meðal annars einn af spekingum Pepsi Max Stúkunnar.

Þetta er ekki í fyrsta sinn sem hann kemur við sögu í Árbænum en hann var yfirþjálfari hjá félaginu árið 2015.