KA á­fram í bikarnum eftir sigur á grönnunum

Heimamenn voru sterkari fyrstu mínúturnar og leiddu 6-3 eftir tíu mínútna leik en þá skoruðu KA-menn þrjú mörk í röð og jöfnuðu metin.

Aftur náðu Þórsarar forystu, mest þriggja marka, en KA náði að minnka muninn í eitt mark fyrir hlé 14-13 og þannig stóðu leikar í hálfleik.

KA byrjaði síðari hálfleikinn vel og komust yfir er tæpar tíu mínútur voru liðnar af síðari hálfleik. Þá forystu létu þeir aldrei af hendi þrátt fyrir áhlaup Þórsara. Lokatölur 26-23 sigur KA.

Karolis Stropus og Ihor Kopyshynskyi voru í sérflokki í liði Þór. Karolis gerði átta en Ihor var markahæstur með níu mörk.

Áki Egilsnes og Árni Bragi Eyjólfsson voru markahæstir í liði KA með sjö mörk hvor.