Innlent

Tólf ára Eyjapeyi á loðnuvertíð og ætlar að verða skipstjóri

Berghildur Erla Bernharðsdóttir skrifar
Huginn kann vel á sig á sjónum.
Huginn kann vel á sig á sjónum.

Einn yngsti sjómaður landsins lauk fyrsta loðnutúrnum í langan tíma í Vestmannaeyjum í dag. Hann byrjaði sex ára á sjó og á ekki langt að sækja sjómennskuna því bæði pabbi hans og afi hans voru með í túrnum á skipinu Huginn VE55.

Gísli Óskarsson frétta-og tökumaður hitti kappann á bryggjunni í gær.

„Túrinn var bara mjög fínn,“ segir hinn tólf ára gamli Huginn Guðmundsson.

Það hafi verið gott hve mikið þeir fiskuðu í hali númer tvö.

„Það voru fimm hundruð og eitthvað tonn.“

Huginn segir að svo mikið hafi veiðst í hala tvö að dæla hafi þurft úr Huginn VE55 yfir í Bjarna Ólafsson, um tvö hundruð tonnum. Allt hafi hreinlega verið fullt eftir veiðina í hali tvö.

Huginn hefur farið á sjó með föður sínum frá því hann var sex ára og stefnir hátt.

„Ég ætla að verða skipstjóri,“ segir Huginn.

Sjávarútvegur Vestmannaeyjar Krakkar

Tengdar fréttir

Fyrstu loðnunni landað í Eyjum

Fyrsta loðnufarmi íslensks fiskiskips í þrjú ár var landað í Vestmannaeyjum í dag. Um þrjátíu prósent loðnukvótans er gerður út í Vestmannaeyjum og var líf og fjör í Eyjum í dag.

Mest lesið


Fleiri fréttir

Sjá meira


×

Mest lesið