Handbolti

HK missir þjálfarann til Noregs eftir tíma­bilið

Runólfur Trausti Þórhallsson skrifar
Elías Már Halldórsson mun hætta sem þjálfari HK í vor.
Elías Már Halldórsson mun hætta sem þjálfari HK í vor. vísir/daníel

Elías Már Halldórsson, þjálfari karlaliðs HK í handbolta, mun þjálfa liðið út leiktíðina og segja svo starfi sínu lausu. Hann er á leið til Noregs að þjálfa kvennalið Fredrikstad.

Handbolti.is greindi frá fyrr í kvöld. Þar er vitnað í frétt vefútgáfu Fredrikstad Blad. Sem stendur er kvennalið Fredrikstad í áttunda sæti norsku úrvalsdeildarinnar en alls eru 13 lið í deildinni.

Elías Már mun gera sitt besta til að koma HK aftur upp í Olís deild karla áður en hann heldur til Noregs. Liðið er sem stendur á toppi Grill 66-deildarinnar með 20 stig að loknum 12 leikjum, líkt og Víkingur.

Liðin mættust í uppgjöri toppliðanna í Víkinni í gær þar sem HK hafði betur, 23-22 í hörkuleik.

Elías Már ætti að þekkja ágætlega til í Noregi en hann lék með Arendal á árum áður.

Handbolti Íslenski körfuboltinn HK

Mest lesið


Fleiri fréttir

Sjá meira


×

Mest lesið