Átta skotnir til bana í Atlanta í árás sem beindist gegn asísku fólki

Að minnsta kosti sex hinna látnu eru konur af asískum uppruna og gerði byssumaðurinn í öllum tilvikum árásir á heilsulindir þar sem boðið er upp á nudd. Skotmaðurinn er tuttugu og eins árs gamall og var hann handtekinn síðar um kvöldið eftir mikla leit en lögreglu tókst að bera kenns á hann í öryggismyndavélum heilsulindanna.

Málið er rannsakað sem hatursglæpur en slíkir glæpir sem beinast gegn fólki af asískum uppruna virðast í vexti í Bandaríkjunum nú um stundir. Ein af ástæðum fyrir því er orðræða sem farið hefur hátt í landinu síðastliðin misseri þar sem Asíubúum er kennt um kórónuveirufaraldurinn.

Donald Trump fyrrverandi forseti talaði til að mynda ítrekað um „Kínavírusinn“ í sínum ræðum. Núverandi forseti Joe Biden tók málið upp í ræðu í síðustu viku þar sem hann fordæmdi árásir á fólk af asískum uppruna.