Skelfi­leg tæk­ling Kemar Roo­fe skyldi mark­vörð Slavia Prag ó­vígan eftir

Staðan í einvígi Rangers og Slavia Prag var 1-1 eftir fyrri leik liðanna. Gestirnir frá Tékklandi komust snemma yfir á Ibrox-vellinum í Glasgow í kvöld og þannig var staðan enn þegar klukkustund var liðin af leiknum.

Roofe var þá að elta boltann sem fór skoppandi inn í vítateig gestanna. Ondrej Kolar, markvörður Slavia Prag, kom út úr teignum og náði boltanum í þann mund er Roofe rak sólann í andlitið á honum. 

Kolar lá óvígur eftir, þurfti að fara af velli vegna meiðslanna enda með risaskurð enda með risaskurð á enninu. Hér má sjá mynd af skurðinum og þá má sjá myndband af atvikinu hér að neðan.

Slavia Prag vann leikinn og sló þar með lærisveina Steven Gerrard úr leik. Lokatölur 2-0 gestunum í vil og eru Tékkarnir komnir í 8-liða úrslit Evrópudeildarinnar ásamt Arsenal, Manchester United, Granada, Roma, Ajax, Villareal og Dinamo Zagreb.

Evrópudeild UEFA er á Stöð 2 Sport en upplýsingar um útsendingar má finna hér. Evrópudeildin er hluti af Stöð 2 Sport erlent sem kostar 3.990 krónur á mánuði en einnig má kaupa útsendingar sem stakan viðburð á 990 krónur.