Flottir fiskar úr Eldvatni í Meðallandi

Eldvatn hefur verið að vaxa sem eitt af bestu sjóbirtingssvæðum landins og það er bara einu að þakka. Veiðimenn hafa verið að sleppa meira af fiski og þar af leiðandi fær sjóbirtingurinn tækifæri til að vaxa og það sést vel þegar gamlar veiðibækur eru skoðaðar. Það eru sífellt að veiðast stærri fiskar og meðalþyngdin hefur tekið gott skref upp á við.

Einn af betri urriðaveiðimönnum landins, Robert Novak, var við veiðar í Eldvatni um helgina og gerði feyknagóða veiði. Hann landaði nokkrum mjög fallegum sjóbirtingum en stærðirnar voru 65 sm og alveg upp 92 sm tröll. Sjóbirtingstímabilið stendur venjulega fram í miðjan maí, stundum lengur, það fer aðeins eftir því hvernig veðurfarið er en á köldum vorum getur birtingurinn hangið í ánum alveg fram í júní svo það er nóg eftir ef vorið heldur áfram að vera kalt eins og það hefur verið.