Innlent

TF-GNA komin til landsins

Atli Ísleifsson skrifar
Þyrlan er af gerðinni Airbus Super Puma EC225 líkt og TF-EIR og TF-GRO.
Þyrlan er af gerðinni Airbus Super Puma EC225 líkt og TF-EIR og TF-GRO. Landhelgisgæslan

TF-GNA, nýjasta björgunarþyrla þjóðarinnar, lenti á Reykjavíkurflugvelli á sjöunda tímanum í gærkvöldi. Vélin var ferjuð í nokkrum áföngum frá Stafangri í Noregi með viðkomu á Hjaltlandseyjum, Færeyjum og Egilsstöðum áður en Gná komst loks í heimahöfn í Reykjavík.

Á Facebook-síðu Landhelgisgæslunnar segir að vélin sé þriðja leiguþyrlan af gerðinni Airbus Super Puma EC225 en hinar sem fyrir eru, TF-EIR og TF-GRO, hafi reynst afar vel.

Nú er Landhelgisgæslan því komin með þrjár tiltækar björgunarþyrlur á nýjan leik.

„Óhætt er að fullyrða að flugfloti Landhelgisgæslunnar hafi aldrei verið fullkomnari en nú,“ segir að lokum í tilkynningunni.

TF-GNA, nýjasta björgunarþyrla þjóðarinnar, lenti á Reykjavíkurflugvelli á sjöunda tímanum í kvöld. Ferjuflugið frá...

Posted by Landhelgisgæsla Íslands/Icelandic Coast Guard on Tuesday, 4 May 2021
Landhelgisgæslan

Mest lesið


Fleiri fréttir

Sjá meira


×

Mest lesið