Slökkviliðið sinnir útkalli við Hvaleyrarvatn

Kolbeinn Tumi Daðason skrifar 11. maí 2021 15:29

Þessi mynd er tekin við álverið í Straumsvík klukkan 15:35. Reykurinn stígur upp frá svæðinu við Hvaleyrarvatn í Heiðmörk. Vísir/Vilhelm

Slökkviliðið á höfuðborgarsvæðinu sinnir útkalli við Hvaleyrarvatn í Hafnarfirði þar sem logar gróðureldur. Þetta segir varðstjóri hjá slökkviliðinu í stuttu samtali við Vísi.

Nánari upplýsingar um gróðureldinn er ekki að fá að svo stöddu.

Uppfært klukkan 16:23: Varðstjóri hjá slökkviliðinu segir að verið sé að slökkva í glæðum.Varðstjóri hjá slökkviliðinu segir að verið sé að slökkva í glæðum.

Gróður er afar þurr og þarf lítið til að verði bál.Vísir/Vilhelm

Slökkviliðsmenn á Suðurlandi slökktu í dag eld í Grímsnesi á Suðurlandi, nærri Búrfelli, þar sem kviknaði gróðureldur út frá slípirokk. Þá sinna slökkviliðsmenn af Suðurnesjum gróðureldi á Vatnsleysuströnd.

Hættustigi almannvarna var lýst yfir í dag vegna hættu á gróðureldum og nær það yfir svæðið allt frá Snæfellsnesi austur undir Eyjafjöll.

Afar þurrt hefur verið á landinu undanfarið og sér ekki fyrir endann á.

Slökkviliðsbíll mættur í Heiðmörkina á fjórða tímanum.Vísir/TelmaT

Vika er liðin síðan stór gróðureldur kviknaði í Heiðmörk.

Fréttin er í vinnslu.

Gróðureldar á Íslandi Slökkvilið Hafnarfjörður

Tengdar fréttir

Gróðureldar loga á Vatnsleysuströnd

Brunavarnir Suðurnesja hafa verið kallaðar út vegna gróðurelda sem loga til móts við afleggjarann að Ásláksstöðum á Vatnsleysuströnd.

11. maí 2021 14:13

Slökktu gróðureld sem kviknaði út frá slípirokk í Grímsnesi

Slökkviliðsmenn af Suðurlandi náðu að slökkva fljótt í gróðureldi sem kviknaði nærri Búrfelli í Grímsnesi í dag. Hættustigi vegna gróðurelda er nú í gildi allt frá Eyjafjöllum vestur að Breiðafirði og meðferð á opnum eldi bönnuð.

11. maí 2021 12:09

Hættustig vegna hættu á gróðureldum

Búið er að lýsa yfir hættustigi almannavarna vegna hættu á gróðureldum allt frá Breiðafirði og austur undir Eyjafjöll. Þetta kemur fram í tilkynningu frá almannavörnum. Þar segir að ríkislögreglustjóri hafi tekið þessa ákvörðun, í samráði við lögreglustjóra og slökkviliðsstjóra á Vestfjörðum, Vesturlandi, höfuðborgarsvæðinu, Suðurnesjum og Suðurlandi.

11. maí 2021 12:03