Lífið

Hætt saman eftir nokkurra mánaða sam­band

Sylvía Hall skrifar
Trevor Noah og Minka Kelly eru sögð vera hætt saman.
Trevor Noah og Minka Kelly eru sögð vera hætt saman. Samsett/Getty

Spjallþáttastjórnandinn og grínistinn Trevor Noah og leikkonan Minka Kelly eru hætt saman samkvæmt heimildum People. Parið byrjaði að stinga saman nefjum síðasta haust en nú hefur sést til þeirra í sitthvoru lagi og segja heimildarmenn sambandinu lokið.

Noah og Kelly staðfestu aldrei samband sitt opinberlega en haft var eftir vinafólki þeirra í fjölmiðlum að þau væru mjög hamingjusöm saman.

Í lok desember keypti grínistinn hús fyrir þau saman í Los Angeles og voru þau sögð vera að „skipuleggja framtíðina“ saman. „Þau hafa eytt miklum tíma saman og hafa verið að leita að heimili saman sem par.“

Minka Kelly er frægust fyrir hlutverk sitt í þáttunum Friday Night Lights. Hún var áður með leikaranum Jesse Williams, sem fer með hlutverk Jackson Avery í Grey‘s Anatomy, en þau hættu saman í janúar árið 2018 á meðan Williams stóð í skilnaðardeilu við fyrrverandi eiginkonu sína.

Hollywood Ástin og lífið


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.