Kvöldfréttir Stöðvar 2

Þá sýnum við frá mótmælum víða um heim gegn loftárásum Ísraela á Gasasvæðinu. Rætt verður við Palestínumann sem sækir um hæli á Íslandi til að bjarga fjölskyldu sinni af svæðinu, sem er þar enn.

Rætt verður við heilbrigðisráðherra í kvöldfréttum um næstu tilslakanir á samkomubanni. Hún telur nær öruggt að í næstu viku verði farið upp í hundrað manna mörk.

Páll Einarsson, jarðeðlisfræðingur, telur sóun að reisa varnargarða á gosstöðvunum enda sé engin leið að stöðva hraunið og forstjóri Play segir miðasölu fara vel af stað, Íslendingar séu greinilega þyrstir í sólina.

Þetta og margt fleira í kvöldfréttum á samtengdum rásum Bylgjunnar og Stöðvar 2 kl. 18:30.