Hafa gengið að rótum gígsins og flúið undan flæðandi hrauni

Bogi Adolfsson, formaður björgunarsveitarfélagsins Þorbjarnar í Grindavík, staðfestir þetta í samtali við Vísi. „Þeir hafa verið að labba yfir hraunið á milli útsýnishólanna. Ég kalla þó góða að hafa sloppið.“

Á vefmyndavél mbl.is má sjá hvernig einn maður tekur til fótanna og flýr undan hrauninu sem flæðir niður skömmu eftir klukkan 11 í morgun.

Bogi segist mjög undrandi á slíkri hegðun enda stórhættuleg. „Ég hélt að þetta væri ekki eitthvað sem þyrfti að passa. Sannkallaðir snillingar greinilega þarna á ferð,“ segir Bogi í miklum hæðnistón.