Fjórir á land við opnun Selár

Það var nokkuð hvasst eins og víða á landinu en veiðimenn við Selá sluppu þó við það veður sem gekk yfir á vestur og víða á norðurlandi sem gerði veiðimönnum ansi erfitt fyrir. Það var nokkuð hlýtt og glampandi sól við opnunardaginn sem var alveg ljómandi góður. Fyrsti laxinn kom fljótlega á land á Sundlaugarbreiðu. Þaðan lá leiðin upp í fosshyl og þar veiddust tveir til viðbótar. Sá fjórði kom svo nokkru síðar í Efri sundlaugarhyl.

Allt voru þetta vel haldnir tveggja ára fiskar, nýgengnir og lúsugir, á bilinu 79-85cm. Vel gert miðað við aðstæður, en mjög mikið vatn er í ánni og snjóbráð. Meðfylgjandi er mynd af Jim Ratcliffe og fjölskyldu sem opnuðu Selá í gærmorgun.