Fótbolti

De Boer hættur með hollenska landsliðið eftir meðgöngutíma

Sindri Sverrisson skrifar
Frank de Boer stýrði hollenska landsliðinu aðeins í níu mánuði.
Frank de Boer stýrði hollenska landsliðinu aðeins í níu mánuði. EPA-EFE/Tibor Illyes

Hollenska knattspyrnusambandið var ekki lengi að slíta samstarfinu við Frank de Boer eftir að Holland féll úr leik á Evrópumótinu.

Holland vann sinn riðil á EM og fékk þar fullt hús stiga en liðið komst ekki yfir fyrstu hindrun í útsláttarkeppninni heldur tapaði þar 2-0 fyrir Tékklandi í 16-liða úrslitum.

Í tilkynningu á vef hollenska sambandsins segir að De Boer hafi sjálfur tilkynnt að hann vildi ekki halda áfram með landsliðið en það hafi verið í samræmi við samning hans sem kvað á um að Holland þyrfti að komast í 8-liða úrslit á EM.

De Boer tók við Hollandi af Ronald Koeman í fyrra og stýrði liðinu því aðeins í níu mánuði.

EM 2020 í fótbolta Holland

Mest lesið


Fleiri fréttir

Sjá meira


×

Mest lesið