Salka Sól og Arnar Freyr eiga von á sínu öðru barni

Salka Sól tilkynnti óléttuna með fjölskyldumynd á Facebook. Fyrir eiga þau hjónin eitt barn, dótturina Unu Lóu, fædda 2019.

Salka Sól hefur tjáð sig á opinskáan hátt um ófrjósemisvandamál sem hún og Arnar Freyr glímdu við, í hlaðvarpinu Kviknar.

Í viðtalinu, sem tekið var eftir að dóttir þeirra fæddist, segir hún á einlægan hátt frá barneignaferlinu og sinni óútskýrðu ófrjósemi, sem hún lýsti sem ástarsorg.

„Við hljótum að hafa átt hana inni í karmanu sko af því að það var svo ótrúlega erfitt að fá hana inn, að verða ólétt og svo var svo ógeðslega erfitt að fæða hana líka og koma henni út. Þannig að við áttum eiginlega skilið að eignast svona draumadís,“ sagði Salka Sól þá um dóttur sína.