Viðskipti innlent

Neytendastofa sektar þrjú apótek

Eiður Þór Árnason skrifar
Neytendastofa skoðar reglulega ástand verðmerkinga í apótekum.
Neytendastofa skoðar reglulega ástand verðmerkinga í apótekum. Vísir/vilhelm

Neytendastofa hefur sektað þrjú apótek vegna vankanta á verðmerkingum. Stofnunin skoðaði ástand þeirra í apótekum í Reykjanesbæ í mars og tók skoðunin til fimm apóteka á svæðinu. Var sérstaklega kannað hvort vörur væru verðmerktar, hvort verðmerking þeirra væri rétt og hvort verðmerkingar fyrir aftan afgreiðsluborð væru nægilega sýnilegar neytendum.

Fram kemur á vef Neytendastofu að athugasemdir hafi verið verðar við starfshætti allra apótekanna í fyrstu heimsókn og þeim fyrirmælum beint til þeirra að bæta verðmerkingar. Í kjölfarið var farið í aðra skoðun þar sem í ljós kom að ekki hafði verið nægilega bætt úr verðmerkingum í þremur af fimm apótekum.

Í kjölfar seinni skoðunarinnar taldi Neytendastofa tilefni til að sekta rekstraraðila Apótekarans í Keflavík, Reykjanesapóteks og Apóteks Suðurnesja um 50 þúsund krónur.

Var ýmist gerð athugasemd við að ákveðnar vörur væru óverðmerktar eða að verðmerkingar bak við afbreiðsluborð væru ekki nógu sýnilegar.

Neytendur Verslun Lyf


Mest lesið


Fleiri fréttir

Sjá meira


×

Mest lesið