Varaformaður Þjóðarflokksins dæmdur fyrir misferli

Svikin áttu sér stað þegar Messerschmidt var forseti MELD-þingflokksins á Evrópuþinginu frá 2014-2015.  Þingflokkurinn fékk styrk frá Evrópusambandinu upp á um það bil 100.000 danskar krónur, jafnvirði tæpra tveggja milljóna íslenskra króna, á þeim forsendum að féð yrði notað í kynningarherferð um sambandið. 

Á endanum var styrkurinn hins vegar notaður til þess að greiða fyrir sumarfagnað Þjóðarflokksins árið 2015. Eftirlitsnefnd framkvæmdastjórnar Evrópusambandsins taldi að misfarið hefði verið með féð og hóf danska lögreglan rannsókn árið 2019, að sögn Reuters-fréttastofunnar.

Það taldi dómstóllinn sem dæmdi Messerschmidt sekan í dag ekki teljast sem Evrópusambandsráðstefnu, að því er segir í frétt danska ríkisútvarpsins DR.

Messerschmidt hefur þegar áfrýjað dómnum en hann hefur alla tíð neitað sök. Hann segist ætla að halda áfram á þingi og sem varaformaður Þjóðarflokksins þrátt fyrir dóminn.