Leikmaður KR smitaðist

Þetta kemur fram á vef 433.is þar sem haft er eftir Rúnari Kristinssyni, þjálfara KR, að frí hafi verið gefið frá æfingu í dag þó að enginn liðsfélaga leikmannsins hafi enn verið skikkaður í sóttkví. Leikmenn bíði heima hjá sér eftir frekari fréttum.

Útlit er fyrir að fresta verði leik KR við ÍA á Akranesi sem fram átti að fara á sunnudaginn. KR-ingar eiga svo að mæta Leikni á heimavelli 29. ágúst, samkvæmt leikjadagskrá KSÍ.

KR vann dýrmætan 1-0 sigur gegn HK, þrátt fyrir að missa Arnþór Inga Kristinsson af velli með rautt spjald snemma leiks, og er með 29 stig í 5. sæti Pepsi Max-deildarinnar, fjórum stigum frá 2. sæti. Liðið er því enn í baráttu um Evrópusæti sem KR rétt missti af á síðasta ári þegar mótið var flautað af fyrr en ella vegna faraldursins.