Edda fórnaði svefnherberginu: „Ég ýtti þeim inn og lokaði“

Hugrún heimsótti parið á núverandi heimili, þar sem margir landsmenn myndu eflaust vilja búa. Tónlistarmaðurinn Róbert Oliver Gíslason og Sigga Eydíis Gísladóttir fíknifræðingur og tónlistarkona hafa verið par í þrjú ár og búa í augnablikinu heima hjá móður Róberts, leikkonunni Eddu Björgvinsdóttur.

„Það er ógeðslega gaman, einfaldlega vegna þess að við hlægjum svo mikið saman, þetta eru svo miklir skríplar. Það er bara svo gaman að hafa þau,“ segir Edda um sambúðina.

„Við erum bara með eitt svefnherbergi og sumir sofa í stofunni, þeir fórna sér fyrir börnin sín,“ segir Edda og hlær.

„Það fer svo ótrúlega vel um mig í sófanum og ég vildi ekki sjá að vera í þessu svefnherbergi, svo ég ýtti þeim inn og lokaði. Þess vegna var ég búin að gleyma að þau væru hérna.“

Brot úr þættinum má sjá í spilaranum hér fyrir neðan en næsti þáttur er á dagskrá Stöðvar 2 í kvöld. 

Þættirnir Draumaheimilið eru stútfullur af góðum upplýsingum og ráðum fyrir fólk í fasteignahugleiðingum en líka fyrir fasteignaeigendur og framtíðarfrasteignareigendur. Það er nefnilega ýmislegt sem þarf að hafa í huga varðandi ástand fasteigna. 

Sigmundur Grétar Hermansson, betur þekktur sem Simmi smiður, er einn af sérfræðingum þáttanna Draumaheimilið. Í fyrsta þættinum af nýju þáttaröðinni skoðaði hann bústað sem farinn er að síga verulega.