„Ég er samt alveg stressuð. Hvað ef við klúðrum einhverju?“ spyr Jóhanna áður en þær mæta til vinnu hjá Bílastæðasjóði.
„Við klúðrum aldrei neinu,“ er Sunneva þá fljót að svara.
Þær voru glaðar að fá að vita að stöðumælaverðir ganga átta til tólf kílómetra á dag, sem eru ansi mörg skref í skrefamælinum á Apple úrinu.
„Við þurfum aldrei að æfa aftur.“
Jóhönnu fannst þetta mjög valdeflandi starf en báðar hafa reynslu af því að fá á sig miða frá stöðumælavörðum borgarinnar.
„Gjald en ekki sekt, ég kalla þetta nú bara bloodmoney,“ sagði Sunneva eftir að það var útskýrt fyrir þeim að talað væri um gjald en ekki sekt. Hér fyrir neðan má sjá stutt brot úr þættinum þar sem þær setja gjald á ökumann sem lagði á gangstétt.
