Handbolti

Aron skoraði þrjú í stórsigri

Hjörtur Leó Guðjónsson skrifar
Aron Pálmarsson og félagar hans í Aalborg unnu stórsigur í danska handboltanum í dag.
Aron Pálmarsson og félagar hans í Aalborg unnu stórsigur í danska handboltanum í dag. EPA-EFE/ANDREAS HILLERGREN

Aron Pálmarsson og félagar hans í Aalborg unnu í dag átta marka sigur þegar að Ringsted kíkti í heimsókn í dönsku úrvalsdeildinni í handbolta. Lokatölur 38-30 og Aron skoraði þrjú mörk fyrir heimamenn.

Aalborg setti tóninn snemma og komust fljótlega í 9-3. Liðin skiptust á að skora næstu mínúturnar, en þegar að flautað var til hálfleiks var munurinn átta mörk, 22-14.

Aron og félagar byrjuðu seinni hálfleikinn af miklum krafti og náðu mest 14 marka forskoti. Þeir slökuðu aðeins á eftir það, en sigurinn var aldrei í hættu. 

Lokatölur urðu 38-30, en Aron og félagar eru nú með einn sigur úr fyrstu tveim leikjum tímabilsins. Ringsted er hinsvegar enn í leit að sínum fyrstu stigum.

Danski handboltinn

Mest lesið


Fleiri fréttir

Sjá meira


×

Mest lesið