Tveir handteknir til viðbótar vegna dauða norðurírsku blaðakonunnar

McKee var skotin til bana þegar hún fylgdist með óeirðum í Londonderry. Nýi írski lýðveldisherinn (NIRA), einn fárra hópa sem eru andsnúnir friðarsamningnum frá 1998 sem batt enda á vopnuð átök sambands- og þjóðernissinna, hefur sagt að liðsmaður hans hafi skotið McKee þegar hann hóf skothríð að lögreglu. McKee var 29 ára gömul.

Mennirnir sem voru handteknir í dag eru 24 og 29 ára gamlir. Ekki hefur komið fram hvernig þeir eru taldir tengjast drápinu.

Þrír karlmenn hafa þegar verið ákærðir fyrir manndráp, þar á meðal tveir sem voru handteknir í síðustu viku. Þá hafa tveir til viðbótar verið ákærðir fyrir óeirðir og tengd afbrot, að sögn Reuters-fréttastofunnar.