Handbolti

Orri hafði betur í Íslendingaslag og Elverum er á leið í bikarúrslit

Hjörtur Leó Guðjónsson skrifar
Orri Freyr og félagar eru á leið í bikarúrslit.
Orri Freyr og félagar eru á leið í bikarúrslit. https://www.ostlendingen.no/

Orri Freyr Þorkelsson og félagar hans í Elverum höfðu betur gegn Óskari Ólafssyni og félögum í Drammen er liðin mættust í undanúrslitum norska bikarsins í handbolta í kvöld, 32-31.

Orri og félagar voru sterkara liðið í upphafi leiks og náðu mest fimm marka forskoti í fyrri hálfleik. Heimamenn í Drammen snéru leiknum þó við fyrir hlé og fóru með eins marks forystu inn í hálfleikinn, 18-17.

Liðin héldust svo nokkurnvegin í hendur í seinni hálfleik og skiptust á að hafa forystuna. Gestirnir í Elverum skoruðu seinasta mark leiksins og tryggðu sér eins marks sigur, 32-31 og eru því á leið í bikarúrslit.

Orri Freyr komst ekki á blað fyrir Elverum, en Óskar skoraði eitt mark fyrir Drammen.

Norski handboltinn

Mest lesið


Fleiri fréttir

Sjá meira


×

Mest lesið