Fótbolti

Fullyrðir að Óskar Örn sé búinn að semja við Stjörnuna

Hjörtur Leó Guðjónsson skrifar
Óskar Örn Hauksson í leik með KR.
Óskar Örn Hauksson í leik með KR. Vísir/Vilhelm

Í gær var greint frá því að einn reyndasti leikmaður KR-inga, Óskar Örn Hauksson, væri líklega á leið í Stjörnuna eftir fimmtán tímabil með Vesturbæjarliðinu. Nú fullyrða ýmsir að Óskar hafi skrifað undir tveggja ára samning við Garðabæjarliðið í dag.

Meðal þeirra sem segja frá þessu er fjölmiðlamaðurinn Hjörvar Hafliðason, en einnig er greint frá þessu á Fótbolti.net. Óskar Örn er 37 ára og hefur verið á mála hjá Vestubæjarfélaginu síðan árið 2007.

Meðal þess sem greint var frá í gær var að Óskar hefði á borðinu töluvert bitastæðara tilboð frá Stjörnunni en KR-ingum, og að þjálfari KR, Rúnar Kristinsson, hafi sagt að erfitt hafi reynst að hitta Óskar til að ræða málin þar sem hann hafi nýlega eignast barn.

Óskar Örn er leikjahæsti leikmaður KR í efstu deild frá upphafi, en hann vantar aðeins fjóra leiki til að verða sá fyrsti til að ná þrjú hundru leikjum fyrir félagið í efstu deild. Þá er hann einnig markahæsti leikmaður félagsins með 73 mörk í efstu deild.

KR Stjarnan Pepsi Max-deild karla

Mest lesið


Fleiri fréttir

Sjá meira


×

Mest lesið