Kvöld­fréttir Stöðvar 2

Vonast er til að 120 þúsund manns fái örvunarbólusetningu í Laugardalshöll á næstu fjórum vikum og sóttvarnalæknir bindur miklar vonir við átakið. Í kvöldfréttum verður rætt við fólk sem mætti enn og aftur í sprautu í Höllinni í dag og við förum yfir mætingu dagsins í beinni útsendingu.

Þá tökum við stöðuna á kjörbréfanefnd sem er nú á lokametrunum í sinni vinnu en vonir standa til þess að þing verði kallað saman í næstu viku auk þess sem við kynnum okkur nýjar meðalhraðamyndavélar og skoðum blómasjálfsala á Selfossi.

Þetta og margt fleira á samtengdum rásum Bylgjunnar og Stöðvar 2 klukkan 18:30.