Fótbolti

Íslendingalið FCK fær íslenska dómara í Sambandsdeildinni

Hjörtur Leó Guðjónsson skrifar
Helgi Mikael Jónasson dæmir leik Lincoln Red Imps og FC Köbenhavn næsta fimmtudag.
Helgi Mikael Jónasson dæmir leik Lincoln Red Imps og FC Köbenhavn næsta fimmtudag. Vísir/Daníel

Dómarinn Helgi Mikael Jónasson verður með flautuna á fimmtudagskvöld þegar Íslendingalið FC Köbenhavn heimsækir Lincoln Red Imps til Gíbraltar í riðlakeppni Sambandsdeildar Evrópu.

Aðstoðardómarar Helga verða þeir Gylfi Már Sigurðsson og Þórður Arnar Árnason og fjórði dómari leiksins verður Vilhjálmur Alvar Þórarinsson.

Í Kaupmannahafnarliðinu eru þrír Íslendingar, en það eru þeir Ísak Bergmann Jóhannesson, Andri Fannar Baldursson og Hákon Arnar Haraldsson. Þá hefur Orri Steinn Óskarsson verið að banka á dyrnar hjá aðalliðinu.

Íslendingalið FCK tryggir sér sæti í 16-liða úrslitum með sigri gegn Lincoln Red Imps á fimmtudaginn, en liðið situr í efsta sæti F-riðils með níu stig. Lincoln Red Imps situr hins vegar í neðsta sæti riðilsins og er enn án stiga.

Fótbolti Sambandsdeild Evrópu

Mest lesið


Fleiri fréttir

Sjá meira


×

Mest lesið