Napoli eitt á toppnum eftir stórsigur á Lazio

Fyrr í dag tapaði AC Milan óvænt gegn Sassuolo á heimavelli, 1-3, og því gat Napoli eignað sér toppsætið með sigri í stórleik helgarinnar þegar liðið fékk Lazio í heimsókn á Diego Armando Maradona leikvanginn í Napoli í kvöld.

Það er skemmst frá því að segja að heimamenn léku við hvurn sinn fingur og hreinlega rúlluðu yfir Lazio, 4-0. Komust Napoli í 3-0 á fyrsta hálftíma leiksins.

Dries Mertens gerði tvö mörk og Piotr Zielinski og Fabian sitt markið hver.

Fyrr í kvöld sá Tammy Abraham um að tryggja Roma 1-0 sigur á Torino. Rómverjar í 5.sæti deildarinnar.