Dagskráin í dag: Toppsætið í boði í nágrannaslag

Subway-deild kvenna ríður á vaðið í kvöld, en klukkan 18:05 hefst bein útsending frá leik Breiðabliks og Vals á Stöð 2 Sport 4. Að þeim leik loknum verður skipt beinustu leið yfir til Njarðvíkur þar sem heimakonur taka á móti Grindvíkingum.

Klukkan 19:15 hefst bein útsending frá Kaplakrika þar sem heimamenn í FH taka á móti nágrönnum sínum í Haukum í Olís-deild karla á Stöð 2 Sport. Þarna er um að ræða nágrannaslag af bestu gerð, en liðin sitja í fyrsta og öðru sæti og toppsæti deildarinnar og er því í boði.

Það eru svo vinkonurnar í Babe Patrol sem slá botninn í dagskrá kvöldsins klukkan 21:00 á Stöð 2 eSport.