Fyrsta sýnishornið úr Alex from Iceland

Í þáttunum fylgjumst við með Alex og félögum í ýmsum ævintýrum en takmarkið er að víkka sjóndeildarhring þjóðþekktra Íslendinga og fá þá til að takast á við eitthvað sem þau myndu annars aldrei þora. Buggy bíla rallý, klettastökk og brimbretti í öldugangi, snjóbretti á jökli og fallhlífastökk er meðal þess sem gestirnir fá að kynnast. 

Við höfum nú þegar fjallað um það þegar Áslaug Arna stökk í fossa í tökum fyrir þættina en Villi Neto, Jógvan Hansen, Lil Curly, Donna Cruz og fleiri fara einnig á vit ævintýranna með Alex í þáttunum. Þættirnir eru framleiddir af Skot Production fyrir Stöð 2+.

Hér fyrir neðan má sjá sýnishorn úr þáttunum Alex from Iceland.