Sport

Heims­met á Reykja­víkur­leikunum

Runólfur Trausti Þórhallsson skrifar
Kimberly Walford setti heimsmet í dag.
Kimberly Walford setti heimsmet í dag. BarBend

Kimberly Walford setti heimsmet í hnébeygju í -76 kílógramma flokki á Reykjavíkurleikunum í dag.

Walford er komin yfir fertugt en virðist hvergi nærri hætt. Hún er að keppa á sínum fjórðu Reykjavíkurleikum og setti heimsmet í hnébeygju í -76 kílógramma flokki í Laugardalshöllinni í dag þegar hún lyfti 192,5 kílógrömmum.

Um er að ræða heimsmet í svokölluðum Masters-flokki en það kallast flokkar í kraftlyftingum þegar keppendur hafa náð ákveðnum aldri.

Walford er þekkt innan kraftlyftingaheimsins en hún á einnig heimsmet í réttstöðulyftu í -69 kílógrammaflokki.

Hægt er að horfa á kraftlyftingar á heimasíðu Reykjavíkurleikanna.

Kraftlyftingar

Mest lesið


Fleiri fréttir

Sjá meira


×

Mest lesið