Lífið

„Kennarar þurfa fleiri sér­fræðinga inn í kennslu­stofuna“

Sylvía Rut Sigfúsdóttir skrifar
Kolbrún G. Þorsteinsdóttir kennari og lýðheilsufræðingur er gestur í nýjasta þættinum af Spjallið með Góðvild
Kolbrún G. Þorsteinsdóttir kennari og lýðheilsufræðingur er gestur í nýjasta þættinum af Spjallið með Góðvild Mission framleiðsla

„Mér leið alltaf vel í grunnskóla, leið alltaf vel í skólanum og fannst kennarastarfið vera merkilegasta og mikilvægasta starf í heimi og stefndi alltaf á að verða kennari,“ segir Kolbrún G. Þorsteinsdóttir kennari og lýðheilsufræðingur.

Kolbrún var gestur í nýjasta þættinum af Spjallið með Góðvild sem kom út hér á Vísi í dag. Þar ræddi hún meðal annars um skóla án aðgreiningar. 

„Þetta er falleg hugmyndafræði og mannleg og segir okkur að við eigum að taka á móti hverjum nemanda eins og hann er. Mér finnst þessi hugmyndafræði vera góð og ég held að öllum kennurum þyki hún góð,“ útskýrir Kolbrún.

Kolbrún fyrir framan Varmárskóla í Mosfellsbæ.Aðsent

„Allir kennarar vilja vinna samkvæmt skóla án aðgreiningar. Öll sveitarfélög vilja vinna og gera vel hvað þetta varðar.“ 

Kennarar þurfi þó meiri stuðning í kennsluna við að sinna mismunandi börnum með mismunandi þarfir.

Nauðsynlegt að fá meiri stuðning

„Skólinn er ekki lengur bara skólastjóri, kennari, nemandi. Skólinn er orðinn miklu meiri breidd. Þarna þurfa að koma inn sérfræðingar, sem kennarinn þarf á að halda. Ég held að lang flestir skólar séu með sérkennara sem stýrir ákveðinni sérkennslu, hvort sem það er inn í skólastofunni eða skólarýminu eða í sér rýmum sem margir velja að hafa.“

Kolbrún og Snorri Þór sonur hennar og Bangsi hundurinn þeirra saman í Mosfellsbæ.Aðsent

Kolbrún segir að margir skólar kalli eftir því að fá að hafa sérkennslurými þar sem hægt sé að sinna þörfum nemenda.

„Vandinn við skóla án aðgreiningar í dag er sá að okkur vantar fleiri sérfræðinga inn í starfið með okkur. Kennarar þurfa fleiri sérfræðinga inn í kennslustofuna eða inn í kennslurýmið með sér.“

Viðtalið í heild sinni má heyra í spilaranum hér fyrir neðan. Í þættinum er einnig rætt um NPA þjónustu, nýtingu fjármagns hins opinbera, menntamálin, starfsmannavanda í skólum og fleira tengt málefnum barna.

Klippa: Spjallið með Góðvild - Kolbrún G. Þorsteinsdóttir

Þættirnir Spjallið með Góðvild eru sýndir á Vísi og Stöð 2 Vísi en einnig er hægt að hlusta á flestum hlaðvarpsstöðvum.

Verkefnið er afurð margra ára samstarfs Sigurðar Hólmars Jóhannessonar framkvæmdastjóra Góðvildar og Ágústu Fanneyjar Snorradóttur kvikmyndagerðarkonu og eiganda Mission Framleiðslu.

Þættirnir eru nýr vettvangur til að koma málefnum langveikra og fatlaðra barna á framfæri og auka í leiðinni sýnileika fyrir mikilvæg málefni. Hægt er að hafa samband við Sigurð og Ágústu Fanney vegna þáttanna í gegnum vefsíðuna godvild.is eða samfélagsmiðla félagsins. Með því að styrkja Góðvild þá ertu að styðja við langveik og fötluð börn á Íslandi. Styrktarreikningur 0301-26-660117, kennitala 6601172020.

Börn og uppeldi Skóla - og menntamál Spjallið með Góðvild

Tengdar fréttir

Kol­brún stefnir á bæjarstjórann í Mosó

Kolbrún G. Þorsteinsdóttir, bæjarfulltrúi, varaformaður bæjarráðs og formaður fræðslunefndar, hefur tilkynnt að hún sækist eftir 1. sæti á lista Sjálfstæðisflokksins í Mosfellsbæ fyrir sveitarstjórnarkosningarnar næsta vor. Prófkjör fer fram þann 5. febrúar næstkomandi.

Seldu æskuheimilið og flúðu sveitarfélagið

Alma Björk Ástþórsdóttir hefur talað opinskátt um skóla án aðgreiningar og að þetta kerfi virki ekki fyrir börn með sérþarfir. Í nýjasta þættinum af Spjallið með Góðvild segir Alma frá því að hún þurfti að flýja bæjarfélagið sitt til að fá betri þjónustu fyrir son sinn.

Meirihluti fatlaðs fólks á erfitt með að ná endum saman

„Það sem sló mig strax í upphafi hvað það var lítil aðstoð sem fjölskyldum er veitt í svona aðstæðum. Þarna gerist atvik sem að breytir öllu í lífi fjölskyldu og aðstandenda og ekki síst breytir öllu mínu lífi,“ segir Þuríður Harpa Sigurðardóttir formaður Öryrkjabandalags Íslands.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.