Stórkostlegur árangur gegn hrukkum og svefnlínum

„Ég svaf alltaf klesst í koddann og fór að taka eftir línum undir augum sem voru ekki broshrukkur. Ég reyndi að sofa alltaf á bakinu, eins og Jennifer Lopez segist gera til að halda húðinni sléttri en átti ekki breik,“ segir Andrea hlæjandi. „Svo sá ég umfjöllun um einmitt þetta í Revenge Body þætti Khloe Kardashian, línur á hálsi og bringu eftir ólíkar svefnstellingar og um Wrinkles Schminkles plástrana.“

Plástrarnir eru gerðir úr læknasílikoni sem hefur græðandi eiginleika, viðheldur raka húðarinnar, eykur kollagen framleiðslu og örvar blóðflæði. Plástrarnir eru sniðnir á ákveðin svæði eins og kringum augu, á enni, háls og bringu. Andrea pantaði nokkra plástra og sá árangur um leið. „Ég var bara í áfalli daginn eftir, línurnar fóru alveg til baka. Nú nota ég plástrana á hverri nóttu.“

Alexandra Eir kolféll líka fyrir öflugri virkninni í plástrunum. „Ég prófaði ennisplásturinn, ég er með svo hátt enni og nota það mikið þegar ég tala, með miklum svipbrigðum. Ég prófaði líka bringuplásturinn og heillaðist alveg. Við ákváðum að kýla bara á þetta, settum upp heimasíðu og enduðum með alla vörulínuna frá Wrinkles Schminkles.“

Plástrarnir eru fjölnota og misþykkir eftir því á hvaða svæði þeir henta. Sérstök sápa er notuð til að þrífa plástrana milli notkunar sem brýtur ekki niður eiginleika þeirra. Hvern plástur er hægt að nota í 8 til 25 skipti.

„Læknasílikon eins og plástrarnir eru gerðir úr hefur verið notað árum saman á skurði og ör eftir aðgerðir til að húðin grói slétt,“ útskýrir Andrea. „Plástrarnir hafa líka reynst mjög vel meðfram öðrum húðmeðferðum eins og örnálameðferð eða Dermapen og við erum þegar komnar í samstarf við nokkrar snyrtistofur; Nærvera í Mosfellsbæ, Game of Nails á Sauðárkróki og Snyrtistofan Lena á Ísafirði.

Kosturinn við plástrana er að þú ert ekki að breyta þér. Þeir eru náttúruleg lausn sem bæði minnkar línur sem fyrir eru og virka fyrirbyggjandi líka en okkur finnst ungt fólk spá mikið í hvað það geti gert til að fyrirbyggja fínar línur. Við setjum mikið inn á Instagrammið okkar, leiðbeiningar og fróðleik,“ segir Andrea. „Inni á heimasíðunni okkar er einnig að finna heilmikið efni, upplýsingar um allar vörurnar, fyrir og eftir myndir og algengar spurningar og svör.“