Sænski sjón­varps­maðurinn Ingvar Olds­berg fallinn frá

Fjölskylda Oldsberg staðfestir andlátið í samtali við sænska fjölmiðla og segir hann hafa andast fyrr í dag eftir stutt og alvarleg veikindi.

Oldsberg ólst upp fyrir utan Gautaborg og starfaði  sem íþróttafréttamaður og stýrði lengi þættinum Tipsextra á níunda og tíunda áratugnum í sænska sjónvarpinu þar sem áhugamenn um enska boltann fengu að sjá sinn vikulega leik.

Oldsberg stýrði á ferli sínum einnig fjölda spurninga- og skemmtiþátta sem sýndir voru á besta sýningartíma, meðal annars þættinum På spåret á árunum 1987 til 2009 og svo Bingólottó á árunum 2014 til 2017.

Hann hlaut heiðursverðlaun sjónvarpsverðlaunahátíðarinnar Kristalsins árið 2012.

Oldsberg lætur eftir sig konu og þrjú uppkomin börn.