Innlent

Leggja­köngu­lóin nýr land­­nemi hér á landi

Viktor Örn Ásgeirsson skrifar
Á Vísindavefnum segir að: „Þó leggjakönguló sé öflug veiðikló er eitrið ekki kröftugt og hún talin skaðlaus mönnum. Ef hún nær að bíta inn úr húð veldur það bara augnabliks sviða.“
Á Vísindavefnum segir að: „Þó leggjakönguló sé öflug veiðikló er eitrið ekki kröftugt og hún talin skaðlaus mönnum. Ef hún nær að bíta inn úr húð veldur það bara augnabliks sviða.“ Facebook/Erling Ólafsson

Leggjaköngulóin virðist hafa sest að hér á landi en tegundin er algeng i nágrannalöndum okkar. Hún bítur - en ekki fast - og er talin skaðlaus mönnum.

Köngulóin ber fræðiheitið Pholcus phalangoides og fannst fyrst í Reykjavík árið 1988. Síðan þá hefur hún reglulega fundist víðsvegar á landinu og telur Erlingur Ólafsson skordýrafræðingur ljóst að köngulóin hafi náð að setjast hér að.

Köngulóin er eitruð en er talin skaðlaus mönnum. Hún bítur ekki nema henni sé ógnað og eitrið veldur í versta falli léttvægum sviða, segir Erling í færslu á Facebook-síðunni Heimur smádýranna.

„Sjaldnast veldur þessi leggjalanga könguló mikilli kátínu þeirra sem á hana rekast inni hjá sér. Svo merkilegt er það að margar og langar lappir vekja gjarnan hroll! Köngulóin er meinlaus og hrekklaus.“

Skordýr Dýr

Mest lesið


Fleiri fréttir

Sjá meira


×

Mest lesið