Fótbolti

Dagný skoraði eina mark West Ham í stóru tapi

Hjörtur Leó Guðjónsson skrifar
Dagný Brynjarsdóttir í leik gegn Tottenham. Hún skoraði eina mark West Ham í 4-1 tapi gegn Chelsea í kvöld.
Dagný Brynjarsdóttir í leik gegn Tottenham. Hún skoraði eina mark West Ham í 4-1 tapi gegn Chelsea í kvöld. Getty/Tom Dulat

Dagný Brynjarsdóttir skoraði eina mark West Ham í 4-1 tapi liðsins gegn Chelsea í Lundúnaslag ensku Ofurdeildarinnar í fótbolta í kvöld.

Tvö mörk frá Pernille Harder og eitt frá Niamh Charles sáu til þess að gestirnir í Chelsea fóru með þægilega 3-0 forystu inn í hálfleikinn.

Dagný minnkaði muninn fyrir heimakonur snemma í síðari hálfleik, en það var svo Samantha Kerr sem gulltryggði 4-1 sigur Chelsea.

Dagný og stöllur hennar í West Ham sitja í áttunda sæti deildarinnar með 20 stig eftir 15 leiki, tólf stigum á eftir Chelsea sem situr í öðru sæti.

Fótbolti Enski boltinn

Mest lesið


Fleiri fréttir

Sjá meira


×

Mest lesið