Haaland nær samkomulagi við Man City

Það eina sem á eftir að gera er að tilkynna formlega um félagaskiptin.

Samkomulagið hljómar upp á 100 milljónir punda en Haaland er með söluákvæði í samningi sínum hjá Dortmund sem segir að eftir yfirstandandi keppnistímabil verði Dortmund að samþykkja tilboð upp á 63 milljónir punda. Hinar 37 milljónirnar fara svo til Haaland og umboðsmanns hans, Mino Raiola.

Norski framherjinn hefur skorað 16 mörk í 14 leikjum á þessu tímabili í þýsku úrvalsdeildinni. Frá því að hann kom til Dortmund hefur Haaland skorað 80 mörk í 79 leikjum fyrir félagið.

„Okkur bráðvantar framherja,“ sagði Pep Guardiola, knattspyrnustjóri Manchester City fyrir leik liðsins gegn Manchester United um síðustu helgi. City vann leikinn 4-1 en liðið hefur verið án framherja síðan Sergio Aguero fór frá félaginu.