Ingvar vítabani heldur áfram að koma Víkingi nær titlum: Sjáðu atvikin

Pablo Punyed kom Víkingum yfir á 52. mínútu þegar hann batt endahnútinn á vel útfærða skyndisókn, með smá heppni í bland.

Tíu mínútum síðar fengu KR-ingar vítaspyrnu eftir að Kyle McLagan handlék knöttinn innan vítateigs. Ægir Jarl Jónasson fór á punktinn fyrir KR-inga, en Ingvar Jónsson sá við honum. Ægir tók frákastið sjálfur og skallaði að marki, en aftur sá Ingvar við honum.

Þetta er ekki í fyrsta skipti sem Ingvar ver víti frá KR-ingum á ögurstundu, en í leik liðanna á lokametrum Íslandsmótsins síðasta sumar varði hann víti gegn KR í uppbótartíma og Víkingar sátu því á toppi deildarinnar fyrir lokaumferðina.

Mark Pablos Punyed og vörslur Ingvars má sjá í spilaranum hér fyrir ofan.