Fótbolti

Sverrir og félagar á leið í átta liða úrslit

Hjörtur Leó Guðjónsson skrifar
Sverrir Ingi Ingason og félagar hand í PAOK eru á leið í átta liða úrslit Sambandsdeildar Evrópu.
Sverrir Ingi Ingason og félagar hand í PAOK eru á leið í átta liða úrslit Sambandsdeildar Evrópu. Joaquin Corchero / Europa Press Sports via Getty Images

Sverrir Ingi Ingason og félagar hans í gríska liðinu PAOK eru á leið í átta liða úrslit Sambandsdeildar Evrópu eftir 2-1 sigur gegn Gent frá Belgíu í kvöld.

Sverrir lék allan leikinn í hjarta varnarinnar hjá PAOK, en liðið vann fyrri leikinn 1-0. Það batnaði því heldur betur útlitið hjá PAOK þegar Jose Angel Crespo kom liðinu yfir um miðjan fyrri hálfleikinn, en Laurent Depoitre sá til þess að staðan var 1-1 þegar flautað var til hálfleiks.

Gestirnir frá Grikklandi tryggðu sér svo farseðilinn í átta liða úrslit þegar Douglas Augusto kom liðinu í 2-1 þegar um stundarfjórðungur var til leiksloka og niðurstaðan því samanlagður 3-1 sigur PAOK.

Á sama tíma reyndist Tammy Abraham hetja Roma þegar hann tryggði liðinu 1-1 jafntefli í uppbótartíma gegn Vitesse. Roma hafði unnið fyrri leikinn 1-0 og mark Abraham tryggði liðinu því sæti í átta liða úrslitum.

Sambandsdeild Evrópu

Mest lesið


Fleiri fréttir

Sjá meira


×

Mest lesið