Fótbolti

Íslendingaslagur í úrslitum sænska bikarsins

Hjörtur Leó Guðjónsson skrifar
Guðrún Arnardóttir og stöllur hennar eru á leið í bikarúrslit.
Guðrún Arnardóttir og stöllur hennar eru á leið í bikarúrslit. @FCRosengard

Guðrún Arnardóttir og stöllur hennar í Rosengård tryggðu sér sæti í úrslitum sænsku bikarkeppninnar í fótbolta með 1-0 sigri gegn Eskilstuna í dag.

Guðrún lék allan leikinn í hjarta varnarinnar hjá Rosengård í dag, en það var Mimmi Larsson sem skoraði eina mark leiksins strax á 14. mínútu.

Rosengård mætir því Häcken í bikarúrslitum, en þar leika þær Diljá Ýr Zomers og Agla María Albertsdóttir. Häcken er ríkjandi bikrameistari, en liðið vann 2-1 sigur gegn Hammarby í framlengdum leik í gær.

Úrslitaleikurinn fer fram næstkomandi laugardag og þá kemur í ljós hvort að það verði einn eða tveir Íslendingar sem fagna bikarmeistaratitlinum.

Sænski boltinn

Mest lesið


Fleiri fréttir

Sjá meira


×

Mest lesið