Körfubolti

Jón Axel og félagar búnir að tapa fjórum í röð

Hjörtur Leó Guðjónsson skrifar
Jón Axel Guðmundsson í leik með íslenska landsliðinu.
Jón Axel Guðmundsson í leik með íslenska landsliðinu. VÍSIR/BÁRA

Jón Axel Guðmundsson og félagar hans í Crailsheim Merlins hafa nú tapað fjórum leikjum í röð í þýsku úrvalsdeildinni í körfubolta eftir að liðið mátti þola tíu stiga ósigur gegn Bamberg í kvöld, 91-81.

Þrátt fyrir að hafa yfirhöndina í fyrsta leikhluta fóru Jón Axel og félagar tveimur stigum undir inn í hálfleikinn í stöðunni 44-42.

Nokkur jafnræði var með liðunum í síðari hálfleik, en heimamenn í Bamberg voru skrefinu framar og unnu að lokum tíu stiga sigur, 91-81.

Jón Axel skoraði átta stig fyrir Crailsheim Merlins í kvöld. Ásamt því tók hann þrjú fráköst og gaf þrjár stoðsendingar. Liðið situr í níunda sæti deildarinnar með 24 stig eftir 23 leiki.

Körfubolti

Mest lesið


Fleiri fréttir

Sjá meira


×

Mest lesið