Dagskráin í dag: Meistaradeildin, upphitun fyrir Masters og úrslitakeppnin í körfubolta

Stöð 2 Sport

Úrslitakeppnin í Subway-deild karla er hafin og við sýnum einn leik úr átta liða úrslitum í kvöld. Upphitun hefst klukkan 19:45, en klukkan 20:10 verður skipt yfir til Þorlákshafnar þar sem Íslandsmeistarar Þórs taka á móti Grindvíkingum. Að leik loknum er Subway Körfuboltakvöld svo á dagskrá þar sem farið verður yfir allt það helsta úr fyrstu leikjum átta liða úrslitanna.

Stöð 2 Sport 2

Meistaradeildin á heima á Stöð 2 Sport 2 og klukkan 18:50 hefst bein útsending frá viðureign Chelsea og Real Madrid í átta liða úrslitum. Upphitun fyrir leikinn hefst klukkan 18:15 og eftir leik eru Meistaradeildarmörkin á dagskrá þar sem leikir kvöldsins verða krufnir til mergjar.

Stöð 2 Sport 3

FH-ingar taka á móti Aftureldingu í Olís-deild karla í gríðarlega mikilvægum leik fyrir bæði lið klukkan 19:20. FH-ingar eiga enn möguleika á öðru sæti deildarinnar og tryggja sér heimaleikjarétt í úrslitakeppninni með sigri. Afturelding er hins vegar svo gott sem búin að tryggja sæti sitt í úrslitakeppninni með sigri.

Stöð 2 Sport 4

Olís-deildin í handbolta á líka sviðið á Stöð 2 Sport 4 og þar er heldur betur boðið upp á stórleik. Haukar sækja Valsmenn heim klukkan 19:15, en með sigri tryggja Haukar sér deildarmeistaratitilinn annað árið í röð. Valsmenn þurfa hins vegar á sigri að halda til að jafna Hauka að stigum og eiga þannig enn möguleika á deildarmeistaratitlinum í lokaumferðinni.

Stöð 2 Golf

Fyrsta risamót ársins í golfi, Augusta Masters, hefst á fimmtudaginn. Í kvöld verður hins vegar hitað upp fyrir mótið og hefst dagskrá klukkan 19:00.

Stöð 2 eSport

Arena deildin heldur áfram klukkan 18:30 og Babe Patrol er á sínum stað með sinn vikulega þátt klukkan 21:00.

https://stod2.is/framundan-i-beinni/