Dagskráin í dag: Suway-deildin, enskur og ítalskur fótbolti, NBA-deildin og golf

Stöð 2 Sport

Íslandsmeistarar Þórs frá Þorlákshöfn geta tryggt sér sæti í undanúrslitum Subway-deildar karla með sigri gegn Grindvíkingum í kvöld, en liðin mætast í Grindavík klukkan 19:10. Uhhitun fyrir leikinn hefst klukkan 18:45 og að leik loknum er Subway Körfuboltakvöld á dagksrá þar sem verður farið yfir allt það helsta úr leiknum.

Stöð 2 Sport 2

Enska 1. deildin á sviðið á Stöð 2 Sport 2 í dag, en fær þó einn gest frá Bandaríkjunum með sér í lið.

Við hefjum leik á viðureign Luton og Nottingham Forest klukkan 11:25 áður en Middlesbrough sækir Bournemouth heim klukkan 13:55.

Klukkan 16:25 er svo komið að leik Huddersfield og QPR áður en Derby og Fulham slá botninn í útsendingar frá enska boltanum í dag klukkan 18:55.

NBA-deildin fær að troða sér með á Stöð 2 Sport 2 í kvöld, en klukkan 23:30 hefst bein útsending frá viðureign Atlanta Hawks og Cleveland Cavaliers. Sigurlið kvöldsins tryggir sér sæti í úrslitakeppni Austurdeildarinnar.

Stöð 2 Sport 3

Ítalski boltinn á heima á Stöð 2 Sport 3, en líkt og á rásinni á undan læðist Bandarískur gestur með.

Spezia og Inter eigast við klukkan 16:50 áður en AC Milan tekur á móti Alberti Guðmundssyni og félogum hans í Genoa klukkan 18:55.

Klukkan 02:00 eftir miðnætti er svo komið að viðureign New Orleans Pelicans og Los Angeles Clippers, en sigurlið kvöldsins tryggir sér sæti í úrslitakeppni Vesturdeildarinnar.

Stöð 2 Golf

Bein útsending frá RBC Heritage á PGA-mótaröðinni hefst klukkan 19:00 og klukkan 23:00 fylgjumst við með Lotte Championship á LPGA-mótaröðinni.