Liverpool fagnaði sigri í enska deildarbikarnum í febrúar og á enn góðan möguleika á að vinna FA-bikarinn, Meistaradeildina og ensku úrvalsdeildina. Liðið vann 3-2 sigur á Manchester City um helgina og komst þar með í úrslit FA-bikarsins.
„Það hefur enginn unnið fernuna og það er ásætða fyrir því,“ sagð varnarmaðurinn. „Af því að það er nánast ómögulegt.“
Liverpool situr í öðru sæti ensku úrvalsdeildarinnar sem stendur, aðeins einu stigi á eftir toppliði Manchester City þegar sjö umferðir eru eftir. Liðið tekur á móti erkifjendum sínum, Mancester United, í kvöld og með sigri getur liðið komið sér á toppinn. Í það minnsta tímabundið.
„Allt þetta tal frá umheiminum um fernu eða þrennu gæti sett aukna pressu á okkur,“ bætti Van Dijk við.
„Þetta er eitthvað sem alla dreymir um, að vinna allar keppnir sem þú tekur þátt í. En við sjáum hvað framtíðin ber í skauti sér.“
„Það getur allt gerst. Líka hjá hinum liðunum,“ sagði Hollendingurinn að lokum.
