Fótbolti

Burnley upp úr fallsæti | JWP skoraði tvö

Atli Arason skrifar
Stuðningsmenn Burnley gátu leyft sér að fagna á Turf Moor eftir sigurinn gegn Wolves í dag. 
Stuðningsmenn Burnley gátu leyft sér að fagna á Turf Moor eftir sigurinn gegn Wolves í dag.  Getty Images

Ward-Prowse bjargaði stigi fyrir Southampton í 2-2 jafntefli gegn Brighton á meðan Burnley klifraði uppúr neðstu þremur sætunum í fyrsta skipti síðan í október með 1-0 sigri á Wolves.

Wolves fékk betri marktækifæri í upphafi leiks en Nick Pope, markvörður Burnley hélt þeim inn í leiknum. Burnley komst svo yfir á 62. mínútu eftir fallega sókn sem endar á því að Matej Vydra setur boltann í netið eftir undirbúning Wout Weghorst.

Wolves er áfram í 8. sæti með 49 stig en Burnley fer upp í 17. sæti deildarinnar með sigrinum og sendir Everton í leið inn á fallsvæðið. Everton á leik gegn Liverpool seinna í dag.

James Ward-Prowse skoraði tvö mörk þegar Southampton kom til baka gegn Brighton og náði í 2-2 jafntefli eftir að hafa lent 2-0 undir með mörkum frá Danny Welbeck á 2. mínútu og sjálfsmarki Mohammed Salisu á 44. mínútu. Mörk Ward-Prowse komu sitthvoru meginn við hálfleikshléið.

Brighton er áfram einu stigi á undan Southampton eftir jafnteflið. Brighton er í 11. sæti með 41 stig en Southampton er í 13. sæti með 40 stig.

Enski boltinn

Mest lesið


Fleiri fréttir

Sjá meira


×

Mest lesið