Handbolti

Íslendingalið Aue með mikilvægan sigur í fallbaráttunni

Hjörtur Leó Guðjónsson skrifar
Arnar Birkir Hálfdánarson í leik með íslenska landsliðinu.
Arnar Birkir Hálfdánarson í leik með íslenska landsliðinu. Vísir/Vilhelm

Sveinbjörn Pétursson, Arnar Birkir Hálfdánarson og félagar þeirra í Aue unnu gríðarlega mikilvægan þriggja marka sigur er liðið tók á móti Lübeck-Schwartau í þýsku B-deildinni í handbolta í kvöld, 26-23.

Íslendingaliðið situr á botni deildarinnar þegar liðið á sjö leiki eftir af tímabilinu og þarf því á stigum að halda til að halda sæti sínu í deildinni.

Liðið fór með fjögurra marka forskot inn í hálfleikinn í stöðunni 15-11 og vann að lokum góðan þriggja marka sigur, 26-23.

Sveinbjörn stóð vaktina í marki Aue í fyrri hálfleik og var með tæplega 16 prósent hlutfallsmarkvörslu. Arnar Birkir komst ekki á blað fyrir liðið, en Aue situr enn á botni deildarinnar, nú aðeins tveimur stigum frá öruggu sæti.

Þýski handboltinn Handbolti

Mest lesið


Fleiri fréttir

Sjá meira


×

Mest lesið